Benvidas e benvidos a unha aventura entre muíños, fornos e peregrinos. Adentrádevos no corazón de Neda e descubride os seus tesouros mellor gardados a través dun escape room ao aire libre que mestura historia local, tradición panadeira e a pegada do Camiño Inglés.

Unha experiencia que mestura pasado e presente, onde cada pista agocha unha historia e cada pedra ten algo que contar. O reto final? Descubrir o segredo que dá sabor ao pan máis famoso do norte galego.

Como comezar?

• Forma un grupo de persoas (amigos, familia… quen ti queiras!).
• Punto de encontro recomendado:  Igrexa de Santa María
• A experiencia funciona por xeolocalización: debes estar en Neda para poder xogar.

Durante o xogo...

Le con atención, segue as indicacións e saberás que facer en cada momento. A aventura irá guiándote paso a paso.

Como funciona?

Modos de xogo:

• Individual
• En grupo: os equipos fórmanse no momento de iniciar o xogo.

Segue os pasos: ESCOLLER MODO DE XOGO – EN GRUPO – ESCRIBIR NOME DO GRUPO
IMPORTANTE: todos/as os/as participantes deben crear o grupo co mesmo nome, escrito exactamente igual en cada dispositivo.

Os dispositivos sincronízanse: as accións contan para todo o grupo.

Regras do xogo:

• Lembra que estarás nun espazo público: coida e respecta a contorna.
• As persoas menores deben estar sempre acompañadas e baixo a supervisión dunha persoa adulta responsable.
• Ao rematar, podedes comparar as vosas puntuacións no ranking de equipos.

Location	Neda (A Coruña)
Dates	from the Sept. 19, 2025, 6 p.m.
Duration	1h 30m
Sponsor	Xogal

Location

Ratings